एजबास्टन । इंग्ल्याण्डले तेस्रो दिनको खेलमा १९ विकेट लिएपछि वेस्ट इन्डिजलाई पहिलो टेस्टमा एक इनिङ र २०९ रनको विशाल अन्तरले पराजित गरेको छ ।
Advertisement
वेस्ट इन्डिजले एकै दिनमा १९ विकेट गुमाएको यो पहिलो अवसर हो । यसअघि सन् १९३३ मा ओभलमा भएको खेलमा इंग्ल्याण्डविरुद्ध नै टोलीले १८ विकेट गुमाएको थियो ।
इंग्ल्याण्डले प्रस्तुत गरेको ५१४–८ रनको विशाल योगफल पछ्याउने क्रममा वेस्ट इन्डिजले तेस्रो दिनको खेल १ विकेटको क्षतिमा ४४ रनको स्थितिबाट शुरुवात गरेको थियो । तर, वेस्ट इन्डिज १६८ र १३७ रनमा समेटिनपुग्यो ।
पहिलो इनिङमा जेम्स एन्डरसनले ३ तथा दोस्रो इनिङमा स्टुवार्ट बोर्डले ३ विकेट लिएपछि वेस्ट इन्डिजको पारी धरासयी बनेको थियो ।
रनको मामिलामा वेस्ट इन्डिजविरुद्ध इंग्ल्याण्डको तेस्रो ठूलो जित हो भने वेस्ट इन्डिजको छैटौँ ठूलो पराजय हो ।
जीतसँगै तीन खेलको श्रृंखलामा इंग्ल्याण्डले १–० को अग्रता बनाएको छ ।
खेलमा दोहोरो शतक बनाएका एलिस्टर कुक प्लेयर अफ द म्याच चुनिए ।-एजेन्सी
