आज रातिदेखि स्थिर समय सुरु हुँदै

विराटनगर । मंसिर ४ गते हुने प्रतिनिधि सभा र प्रदेश सभा निर्वाचनका लागि आजदेखि स्थिर समय सुरु हुँदैछ । आज राति १२ बजेदेखि स्थिर समय सुरु हुने निर्वाचन आयोगले जनाएको छ ।

Advertisement

यसअघि यो समयलाई मौन अवधि भनिन्थ्यो । यसपटक भने आयोगले निर्वाचको समयमा प्रचारप्रसार गर्न नपाइने समयलाई स्थिर समय भनेको छ । यो अवधि मतदानको दिन मतदान केन्द्र बन्द नहुँदासम्म कायम रहन्छ । यो समयमा भौतिक वा अभौतिक कुनै पनि ढङ्गले निर्वाचन प्रचारप्रसार गर्न पाइँदैन ।