धनकुटा । नेपाल पत्रकार महासंघ धनकुटा शाखाले आइतबार तिहारसहितका चाडपर्वको शुभकामना आदानप्रदान कार्यक्रम गरेको छ । काग तिहारको अवसर पारेर तिहार, छठ, नेपाल सम्वत्, वाढाङ्मी, चासोक तङनाम र उँधौली पर्वको शुभकामना आदानप्रदान गरिएको हो ।
Advertisement
कार्यक्रममा महासंघका तर्फबाट अध्यक्ष नगेन्द्र राईले सहभागीहरूलाई शुभकामना व्यक्त गरे । धनकुटा नगरपालिकाका प्रमुख चिन्तन तामाङसहित बिभिन्न संघसंस्था, राजनीतिक दल लगायतका प्रमुख तथा प्रतिनिधि, सञ्चारकर्मी कार्यक्रममा सहभागि थिए ।
महासंघले हरेक वर्ष दशैं, तिहारसहित बिभिन्न पर्वको अवसरमा शुभकामना आदानप्रदान कार्यक्रम गर्दै आएको छ ।
कार्यक्रममा मनोरञ्जनका लागि हाउजी बिङ्गो खेल पनि खेलाइएको थियो । हाउजीमा गौरवनारायण राई र विशाल लम्जेलले हाउसफुल पार्दै जनही एक/एक हजार नगद पुरस्कार पाएका छन् ।
त्यस्तै, टिकाप्रसाद घिमिरेले पहिलो लाइन, सिद्धराज राईले दोस्रो लाइन र डिल्लीकृष्ण आलेले तेस्रो लाइन मिलाए । सिद्धराज र गौरबनारायणले दुई/दुई पुरस्कार हात पार्न सफल भए ।
सिद्धराजले सबैभन्दा पहिले पाँच अंक मिलाए भने गौरबनारायणले चार कोण मिलाउँदै दुई पुरस्कार जित्न सफल भए । हाउसफुल बाहेकका अन्य विजेतालाई जनही पाँच/पाँच सय पुरस्कार प्रदान गरिएको छ ।
