सुनसरी । सुनसरीबाट नक्कली नेपाली रुपैयाँसहित दुई जना पक्राउ परेका छन् । पक्राउ पर्नेमा भारतको अररिया रामनगरका ४० वर्षीय नबल किशोर पाल र ३२ वर्षीय सुमन पाल छन् ।
Advertisement
देवानगञ्ज गाउँपालिका–२ मध्यहर्षाईस्थित पेट्रोल पम्पबाट १ सय रुपैयाँ दरका १६ थान नक्कली नेपाली रुपैयाँसहित दुई जनालाई प्रहरीले पक्राउ गरेको हो ।
बीआर ५० एस ८४०६ नम्बरको मोटरसाइकललाई ईलाका प्रहरी कार्यालय देवानगञ्जबाट खटिएको टालीले चेकजाँच गर्ने क्रममा मोटरसाइकलमा सवार दुबै जनालाई नक्कली नोटसहित पक्राउ गरेको हो ।
पक्राउ परेका दुबै जनाको विषयमा थप अनुसन्धान भइरहेको प्रहरीले जनाएको छ ।
