विराटनगर । कर्मचारीलाई यौन दुर्व्यवहार गरेको आरोपमा विराटनगर महानगरपालिका–१३ स्थित तयारी पोशाक उत्पादन गर्ने ट्राइकोट इण्डस्ट्रिज प्रा.लि.का प्रमुख कार्यकारी अधिकृत सञ्जय चाण्डोक पक्राउ परेका छन् ।
Advertisement
सिइओ चाण्डकले पटक–पटक दुर्व्यवहार गरेको भन्दै मजदुरहरु आन्दोलनमा उत्रिएपछि उनलाई प्रहरीले आज दिउँसो नियन्त्रणमा लिएको हो । सिइओ चाण्डोकले महिला मजदुरहरूलाई यौन दुव्र्यवहार गर्ने गरेको आरोप छ । त्यस्तै, पुरूष श्रमिकहरूलाई कामबाट निकाल्ने धम्कि दिने गरेको उनीहरुले बताएका छन् । सिईओ चाण्डकको व्यवहारबाट आक्रोशित उद्योगका करिब ३ सय श्रमिकहरू आन्दोलनमा उत्रिएका छन् । उनीहरुले प्रदर्शन गर्दै चाण्डकलाई कारबाहीको माग गरेका छन् ।
आरोपित सिइओ चाण्डकलाई पक्राउ गरेर जिल्ला प्रहरी कार्यालयमा ल्याइएको मोरङका प्रहरी प्रमुख एसपी जनार्दन जिसीले जानकारी दिए । चाण्डक भारतीय नागरिक हुन् । उनले महिला कामदारहरुलाई राति फोन गर्ने, विभिन्न प्रश्नहरु गर्ने, काममा चित्त नबुझेको भन्दै दवाव दिने जस्ता गतिविधि गर्ने गरेको आरोप मजुदुरहरुले लगाएका छन् ।
