मोरङ । मोरङको बिराटनगर महानगरपालिका–२ दुर्गा चौकबाट लागूऔषध ब्राउन सुगरसहित एक जना पक्राउ परेका छन् । मोरङको पथरी शनिश्चरे–६ का २३ बर्षीय निरज गोडीलाई प्रहरीले ब्राउन सुगरसहित पक्राउ गरेको हो ।
लागूऔषध नियन्त्रण ब्यूरो विराटनगरबाट खटिएको प्रहरी टोलीले आइतवार अपरान्ह साढे ४ बजे उनलाई नियन्त्रणमा लिएको हो । उनको साथबाट ८ ग्राम ब्राउनसुगर बरामद भएको जिल्ला प्रहरी कार्यालय मोरङले जनाएको छ ।