सुनसरी । सुनसरीको इटहरी उपमहानगरपालिका–२ बाट मोटरसाइकल चोरेर भागेका दुई जना युवा विराटनगरबाट पक्राउ परेका छन् । पक्राउ पर्नेमा धनकुटा नगरपालिका–१ का सौगात थापा र इटहरी–२ का दुर्गेस चौधरी छन् ।
Advertisement
मोटरसाइकल चोरेर भागेको ११ दिनपछि बिराटनगर–११ बाट उनीहरुलाई पक्राउ गरिएको प्रहरीले जनाएको छ । गत माघ २५ गते इटहरीमा पार्किङ गरेको ठाउँबाट इटहरी–२ का बिक्रम खड्काको प्रदेश १–०२–०४० प ३३१८ नम्वरको सुपर स्पेल्डर मोटरसाइकल हराएको थियो ।
खोजी गर्ने क्रममा फेला पारेर उनीहरुलाई प्रहरीले पक्राउ गरेको हो । पक्राउ परेका दुवै जनाविरुद्ध प्रहरीले जिल्ला अदालत सुनसरीमा मुद्दा दायर गरेर कारबाही प्रकृया अघि बढाएको छ ।
