धनकुटा । धनकुटाको महालक्ष्मी नगरपालिका वडा नं.३ का वडाध्यक्ष भरत थापा नेकपा माओवादी केन्द्र परित्याग गरी एमालेमा प्रवेश गरेका छन् । आज जितपुरमा आयोजित नेकपा एमाले महालक्ष्मी नगर कमिटीको प्रथम नगर अधिवेशनमा थापा एमाले प्रवेश गरेका हुन् ।
नेकपा एमालेका जिल्ला अध्यक्ष राजेन्द्र राई, नेताहरु इन्द्रमणी पराजुली, टंक चुवान, पर्शुराम नेपाल, मञ्जु अधिकारी, दिपक बुढाथोकी लगायतले फुलमाला र अविर लगाएर वडाध्यक्ष थापालाई एमालेमा प्रवेश गराएका छन् ।
![](https://sangalokhabar.com/wp-content/uploads/2021/10/uml-mahalaxmi-programme-dkt.jpg)
थापा गत स्थानीय तह निर्वाचनमा नेकपा माओवादी केन्द्रको तर्फबाट महालक्ष्मी–३ को वडाध्यक्षमा निर्वाचित भएका हुन् ।