धनकुटा । धनकुटाको महालक्ष्मी नगरपालिकाको मेयरमा नेपाली कांग्रेसका ध्रुवराज राया बिजयी भएका छन् । गठबन्धनको तर्फबाट उम्मेदवार बनेका राया ६३२८ मतसहित मेयरमा बिजयी बनेका हुन् ।
Advertisement
उनका निकटतम प्रतिद्धन्द्धी नेकपा एमालेका दिपक बुढाथोकीले ५१३९ मत प्राप्त गरेका छन् । एमाले उम्मेदवार बुढाथोकीलाई ११८९ मतान्तरले पराजित गर्दै राया मेयरमा निर्वाचित भएका हुन् ।
यता, उप–मेयरमा एमाले उम्मेदवार मञ्जु कार्की (अधिकारी) ४५० मतान्तरले बिजयी भएकी छन् ।
उनले ५३८४ मत प्राप्त गर्दा उनका निकटतम प्रतिद्धन्द्धी गठबन्धनका तर्फबाट माओवादी केन्द्रका प्रेम खड्काले ४९३४ मत प्राप्त गरेका छन् ।
