धनकुटा, २८ असोज । धनकुटाको साँगुरीगढी गाउँपालिका–६ कार्कीछापमा आज दिउँसो ट्याक्टर दुर्घटना हुँदा २ जनाको मृत्यु भएको छ ।
धरानबाट किराना पसलको सामान लिएर भोजपुर जाँदै गरेको को.२ त.२८३९ नम्बरको ट्याक्टर दिउँसो करिव १२ बजे सडकमा पल्टिंदा चालक र सह–चालकको घटनास्थलमै मृत्यु भएको प्रहरीले जनाएको छ ।
Advertisement
मृत्यु हुँनेमा ट्याक्टर चालक ईटहरी उप–महानगरपालिका–१८ का २३ बर्षीय सुरज वि.क. र सह–चालक भोजपुर सडानन्द नगरपालिका–१ का २२ बर्षीय निशान भुजेल छन ।
ओरालो सडकमा अनियन्त्रित भई ट्याक्टर सडकमा पल्टिदा दुवै जनाको घटनास्थलमै मृत्यु भएको धनकुटाका ट्राफिक प्रहरी दिपक खड्काले संगालोखबरलाई जानकारी दिएका छन । उनका अनुसार व्रेक फेल भएर ट्याक्टर अनियन्त्रित भई पल्टिएको अनुमान गरिएको छ ।
यो पनि हेर्नुहोस्…
