धनकुटा, १५ कात्तिक । धनकुटाको महालक्ष्मी नगरपालिका–४ चानुवा स्थित जिमीगाउँको एउटा घरमा गएराती आगलागी भएको छ । आगलागीबाट स्थानीय तेजबहादुर जिमीको घर जलेर पूर्ण रुपमा नष्ट भएको प्रहरीले जनाएको छ ।
Advertisement
राति करिव १० बजे घरमा आगलागी भएको हो । बाटो मुनि घर भएकाले बाटो डिह्नेले छानोमा चुरोटको ठुटो फाल्दा आगलागी भएको हुनसक्ने अनुमान गरिएको चानुवा प्रहरी चौकी प्रमुख जुलुम चौधरीले संगालोखबरलाई जानकारी दिएका छन ।
उनका अनुसार आगलागीबाट घरमा भएको लत्ताकपडा, खाद्यान्न, अन्न लगायत जलेर नष्ट हुँदा करिव ६० हजार बरावरको क्षति भएको अनुमान गरिएको छ ।
हरिवोधिनी एकादशीको अवसरमा स्थानीय बारबोटे डाँडामा लागेको मेलामा घरका अधिकांस मान्छे गएर बुद्ध र केटाकेटीमात्र घरमा भएका वेला आगलागी भएको हो ।
