ईलाम । ईलामको रोङ गाउँपालिका–४ मा आज बिहान पिकअप दुर्घटना हुँदा दुई जनाको मृत्यु भएको छ । एक जना घाइते छन् ।
बिहान पौने ६ बजे झापाबाट ईलामतर्फ जाँदै गरेको प्रदेश १–०१–००१ च ७९१६ नम्बरको पिकअप दुर्घटना हुँदा झापाको मेचिनगर नगरपालिका–४ का ५५ बर्षीय रमेश थापा र ४० बर्षीय सुर्य बहादुर थापाको घटनास्थलमै मृत्यु भएको जिल्ला प्रहरी कार्यालय ईलामले जनाएको छ । पिकअप सडकबाट करिव ५०० मिटर तल खसेको छ ।
Advertisement
घटनास्थलमा ईलाका प्रहरी कार्यालय पशुपतिनगरबाट खटिएको टोलीले दुर्घटनामा घाइते भएका पिकअप चालकलाई उपचारका लागि झापास्थित वि.एण्ड सि.अस्पताल पठाएको छ ।
