ठगी गरेर फरार भएका साह १० महिनापछि पक्राउ

उदयपुर । उदयपुरमा ठगी गरेर फरार भएका एक जनालाई प्रहरीले पक्राउ गरेको छ । पक्राउ पर्नेमा त्रियुगा नगरपालिका–१२ का २५ वर्षीय सुरेश गुप्ता साह छन् ।

उनले सार्वजनिक मुद्दामा पक्राउ परेका व्यक्तिलाई छुटाउँछु भन्दै पैसा लिएर ठगी गरेका थिए । जिल्ला अदालत उदयपुरको २०७६ फागुन २९ गतेको फैसलाले उनलाई ठगी मुद्दामा ११ महिना १२ दिन कैद सजाय तोकेको थियो ।

अदालतबाट फैसला भएर कैद तथा जरिवाना असुल उपर गनुपर्ने व्यक्तिहरु पक्राउ गर्ने अभियान अन्तर्गत खोजी गर्ने क्रममा उनलाई पक्राउ गरिएको जिल्ला प्रहरी कार्यालय उदयपुरका डीएसपी बेद प्रसाद गौतमले जानकारी दिए ।