धनकुटा । धनकुटाको साँगुरीगढी गाउँपालिका–६ स्थित काम्फेकमा आज बिहान एक बृद्धको शव फेला परेको छ । बिहान करिब ७ बजे भेडेटार–राजारानी सडक खण्डमा वेवारिसे शव फेला परेको हो ।
Advertisement
तराई मूलको जस्तो देखिने करिब ६०/६५ बर्षीय बृद्धको वेवारिसे शव भेटिएको धनकुटाका प्रहरी प्रमुख गोविन्द अधिकारीले जानकारी दिए । उनका अनुसार श्यामलो वर्णको, पातलो शरीर भएको, लामो दाह्री जुंगा कपाल, सेतो फुलेको, उनीको सेतो धर्का भएको निलो कोठे सर्ट, खैरो रंगको कपडाको पेन्ट लगाएका बृद्ध मृत फेला परेका हुन् ।
मृतक को हुन् र के कारणले मृत्यु भएको भन्ने खुल्न सकेको छैन । शवलाई पोष्टमार्टमका लागि धनकुटा जिल्ला अस्पताल ल्याईएको छ । घटनाको बिषयमा अनुसन्धान भईरहेको जिल्ला प्रहरी कार्यालय धनकुटाले जनाएको छ ।
