बिराटनगर । मोरङ र झापाका छुट्टाछुट्टै स्थानमा सवारी दुर्घटना हुँदा तीन जनाको मृत्यु भएको छ । गएराती करिव ९ बजे मोरङको सुन्दरहरैंचा नगरपालिका–८ सलकपुरमा को.२ त.३१९६ नम्बरको ट्याक्टरले को.३८ प.१६६५ नम्बरको स्कुटरलाई ठक्कर दिँदा स्कुटर चालक सुन्दरहररैंचा–५ का ४२ बर्षीय मकेश्वर चौधरीको मृत्यु भएको हो । ट्याक्टरको ठक्करबाट घाईते भएका चौधरीकोे उपचारका क्रममा करिव १० बजे मृत्यु भएको ईलाका प्रहरी कार्यालय बेलवारीले जनाएको छ ।
Advertisement
त्यस्तै मोरङकै उर्लाबारी नगरपालिका–८ मा मे.४ प.९२८५ नम्बरको मोटरसाईकल गएराती करिव ८ बजे अनियन्त्रित भई दुर्घटना हुँदा मोटरसाईकलको पछाडि सवार एक जनाको मृत्यु भएको छ । एक जना घाईते छन् । मृत्यु हुँनेमा तेह्रथुमको म्याङलुङ–९ का ४५ बर्षीय श्याम तामाङ छन् । मोटरसाईकल चालक स्थानीय ३० बर्षीय उपेन्द्र दनुवार घाईते भएका छन् । अरनिको अस्पतालमा उनको उपचार भईरहेको ईलाका प्रहरी कार्यालय उर्लावारीले जनाएको छ ।
यता झापाको अर्जुनधारा नगरपालिका–८ मा को.१ क.१५८७ नम्बरको जेसीबीले प्रदेश १–०१–०१२–प.७१५४ नम्बरको मोटरसाईकललाई ठक्कर दिँदा एक जनाको मृत्यु भएको छ । जेसीबीको ठक्करबाट घाईते भएका मोटरसाईकल चालक अर्जुनधारा नगरपालिका–५ का ३२ बर्षीय दिपक कुमार बुढाथोकीको उपचारको क्रममा बिर्तामोडको बि.एण्ड.सी. अस्पतालमा मृत्यु भएको ईलाका प्रहरी कार्यालय अनारमनीले जनाएको छ ।
