सोलुखुम्बु । सोलुखुम्बुको दुधकुण्ड–८ चागेस्थानमा रहेको चागेस्थान मन्दिरको मुर्ती चोरी गर्ने एक जनालाई प्रहरीले पक्राउ गरेको छ । पक्राउ पर्नेमा सोही स्थानका ३५ बर्षीय रमेश मगर छन् ।
Advertisement
आईतबार दिउँसो करिब साढे १२ बजे मन्दिरबाट दुई वटा सिंहको मुर्ती हराएको थियो । खोजी गर्दा हराएको मुर्ती नभेटिएपछि मन्दिर व्यवस्थापन समितिले जिल्ला प्रहरी कार्यालय सोलुखुम्बुमा खबर गरेका थिए । त्यसपश्चात अनुसन्धान थालेको प्रहरीले ओखलढुंगाको सिद्धिचरण–११ स्थित एक होटलबाट मगरलाई मुर्तीसहित पक्राउ गरेको हो ।
पक्राउ परेका मगरबिरुद्ध कारबाही प्रकृया अघि बढाईएको जिल्ला प्रहरी कार्यालय सोलुखुम्बुले जनाएको छ ।
