धनकुटा । धनकुटाका थप एक जना पुरुषमा आज कोरोना संक्रमण पुष्टि भएको छ । शहिदभूमी गाउँपालिका–२ का ४० बर्षीय पुरुषमा कोरोना संक्रमण पुष्टि भएको हो ।
Advertisement
उनी ईण्डियन आर्मी हुन् । केही दिनअघि भारतबाट फर्किएका उनी थलथले क्वारेन्टाईनमा थिए । स्वाब संकलन गरी धरानस्थित वीपी कोईराला स्वास्थ्य विज्ञान प्रतिष्ठानमा पीसीआर परीक्षण गर्दा उनमा कोरोना संक्रमण देखिएको जिल्ला स्वास्थ्य कार्यालयका प्रमुख तुलसी गुरागाईँले जानकारी दिए ।
योसँगै धनकुटामा कोरोना संक्रमण पुष्टि हुँनेको संख्या ४० पुगेको छ । जसमध्ये २० जना कोरोना संक्रमण मुक्त भईसकेका छन् । बाँकी १९ कोरोना संक्रमितको धनकुटाको औद्योगिकग्रामस्थित आईसोलेशनमा उपचार भईरहेको छ ।
