बिराटनगर । प्रदेश १ का तीन जिल्लामा आईतबार ४० जना कोरोना संक्रमित थपिएका छन् । मोरङ, सुनसरी र झापामा १३ महिला र २७ पुरुषमा कोरोना संक्रमण पुष्टि भएको हो ।
Advertisement
जसमध्ये मोरङका २९ जना, सुनसरीका ६ जना र झापाका ५ जनामा कोरोना संक्रमण पुष्टि भएको सामाजिक बिकास मन्त्रालयले जनाएको छ । मोरङ जिल्लामा थपिएका २९ जना नै संक्रमित बिराटनगरका हुन् । बिराटनगरका १० महिला र १९ पुरुषमा कोरोना संक्रमण पुष्टि भएको हो ।
सुनसरीमा दुई महिला र चार पुरुषमा संक्रमण देखिएको छ । धरानका एक महिला र दुई पुरुष, ईटहरीका एक महिला, एक पुरुष र बर्जुका एक पुरुषमा संक्रमण भेटिएको हो ।
त्यस्तैगरी झापाको बाह्रदर्शीका एक महिला र एक पुरुष, अर्जुनधाराका दुई पुरुष र दमकका एक पुरुषमा कोरोना संक्रमण पुष्टि भएको मन्त्रालयले जनाएको छ । योसँगै प्रदेश १ मा कोरोना संक्रमितको संख्या १ हजार ४ सय ३२ पुगेको छ ।
