धनकुटा, ३ मंसिर । प्रहरीले धनकुटाका बिभिन्न स्थानमा १४ हजार भन्दा बढी गाँजाको बोट फडानी गरेको छ ।
Advertisement
जिल्लाको शहिदभूमी गाउँपालिका र साँगुरीगढी गाउँपालिकाका बिभिन्न स्थानमा रहेको १४ हजार ६ सय ८० बोट अवैध गाँजा फडानी गरी नष्ट गरिएको जिल्ला प्रहरी कार्यालयले जनाएको छ ।
शहिदभूमी गाउँपालिका–१ कर्कले गुर्धुम, गोपालपुर, घंगरु, हंगुवा, सफाईधाप, धाप, तित्रे लगायत स्थानमा ९ हजार १ सय ८० बोट र साँगुरीगढी गाउँपालिका–९ किम्दाकमा ५ हजार ५ सय बोट गाँजा नष्ट गरिएको हो ।
प्राकृतिक रुपमा उम्रिएका तथा अवैध रुपमा खेति गरिएको गाँजा फडानी गरी नष्ट गर्न अभियाननै सञ्चालन गरिएको प्रहरीले जनाएको छ ।
