संगालोखबर 
विराटनगर । विराटनगर महानगरपालिका-८ हाटखोलास्थित कारागारको मुख्य गेटबाट लागूऔषधसहित दुई महिला पक्राउ परेका छन् । आज मध्यान्ह १२ः३० बजे चेकजाँचका क्रममा लागूऔषध बरामद भएपछि उनीहरूलाई पक्राउ गरिएको हो ।
पक्राउ पर्नेमा सुनसरीको धरान उपमहानगरपालिका-११ बस्ने मेलिना तामाङ र पूर्णिमा तामाङ छन् । उनीहरूले लगाएको भित्री वस्त्रको प्याडभित्र लुकाएर राखेको अवस्थामा हरियो रङको २४० थान र सुन्तला रङको २४० थान ट्याब्लेट सशस्त्र प्रहरीले बरामद गरेको हो ।
कारागारको मुख्य गेटमा खटिएको सुरक्षा टोलीले चेकजाँचका क्रममा उक्त लागूऔषध फेला पारेर नेपाल प्रहरीको जिम्मा लगाइएको छ । यस विषयमा थप अनुसन्धान भइरहेको प्रहरीले जनाएको छ ।
