संगालोखबर 
धनकुटा । धनकुटाको चौबिसे गाउँपालिका-५ मानेडाँडाबाट लागूऔषधसहित एक जना पक्राउ परेका छन् । पक्राउ पर्नेमा सोही स्थानका २५ वर्षीय सौगात मगर छन् ।
इलाका प्रहरी कार्यालय राजारानीबाट खटिएको प्रहरी टोलीले उनलाई आज बिहान लागूऔषधसहित नियन्त्रणमा लिएको धनकुटाका प्रहरी प्रवक्ता डीएसपी ओमप्रकाश खनालले जानकारी दिए ।
Advertisement
गोप्य सूचनाका आधारमा खटिएको प्रहरी टोलीले उनको कोठामा खानतलासी गर्दा ट्रामोल ९२ गोटी र डाइसाइक्लोमाइन एचसीएल ट्याब्लेट १२ गोटी बरामद गरेको छ । उनका सम्बन्धमा आवश्यक अनुसन्धान भइरहेको प्रहरीले जनाएको छ ।
