संगालोखबर 
विराटनगर । सामाजिक संजाल टिकटकमार्फत अफवाह फैलाएको आरोपमा सुनसरीबाट एक जना पक्राउ परेका छन् । पक्राउ पर्नेमा कोशी गाउँपालिका-३ नहरचोकका २२ वर्षीय साहिल अंसारी छन् ।
घृणित र अपमानजनक अश्लिल शब्द प्रयोग गर्दै समाजमा सम्भावित धार्मिक हिंसा भड्काउने भिडियो बनाई सामाजिक संजाल टिकटक लगायतमा सम्प्रेषण गरेपछि उनलाई पक्राउ गरिएको सुनसरी प्रहरीले जनाएको छ ।
Advertisement
उनलाई कोशी गाउँपालिका-३ जमुवाबाट पक्राउ गरिएको सुनसरी प्रहरीका प्रवक्ता डीएसपी योगराज खतिवडाले जानकारी दिए ।
उनीविरुद्ध विद्युतीय कारोबार ऐन २०६३ अनुसार विद्युतीय अपराध मुद्दामा जिल्ला अदालत सुनसरीबाट तीन दिनको म्याद थप गरेर प्रहरीले अनुसन्धान सुरु गरेको छ ।
