संगालोखबर 
विराटनगर । मोरङको धनपालथान गाउँपालिका-२ पैटामबाट गाँजासहित एक भारतीय नागरिक पक्राउ परेका छन् । पक्राउ पर्नेमा अररिया जिल्ला पँहुसी ग्राम पंचायत-२ का २२ वर्षीय मोहमद इर्साद छन् ।
सोमबार राति करिब ८ः३० बजेको समयमा नेपालबाट भारततर्फ जाँदै गरेको बीआर ३८ क्यू ५६८६ नम्बरको मोटरसाइकललाई रोकेर चेकजाँच गर्दा गाँजा फेला परेको मोरङ प्रहरीका प्रवक्ता डीएसपी कोपिला चुडालले जानकारी दिइन् ।
Advertisement
उनका अनुसार इर्सादले बोकेको जेब्रा झोलाबाट २५ किलो २५० ग्राम गाँजा बरामद भएको छ । मोटरसाइकल र गाँजासहित उनलाई इलाका प्रहरी कार्यालय रंगेलीमा राखेर आवश्यक अनुसन्धान सुरु गरिएको प्रहरीले जनाएको छ ।
