संगालोखबर 
विराटनगर । मोरङको रंगेली नगरपालिका-८ दर्वेशामा ट्याक्टरले ठक्कर दिँदा मोटरसाइकल चालकको मृत्यु भएको छ । प्रहरीका अनुसार रंगेली नगरपालिका-१ का ३२ वर्षीय केदार न्यौपानेको मृत्यु भएको हो ।
मंगलबार दिउँसो खेत जोतेर बाटोमा निस्कदैँ गरेको प्रदेश १-०२-००३ त २८५६ नम्बरको ट्याक्टरले को ३९ प ३९३२ नम्बरको मोटरसाइकललाई ठक्कर दिएको थियो ।
Advertisement
ट्याक्टरको ठक्करबाट घाइते भएका न्यौपानेलाई उपचारका लागी रंगेली अस्पताल पुर्याइएकोमा चिकित्सकले मृत घोषणा गरेका थिए ।
मोटरसाइकल पछाडि सवार ४१ वर्षीय राजन भट्टराई घाइते भएका छन् । उनको नोबेल अस्पताल विराटनगरमा उपचार भइरहेको प्रहरीले जनाएको छ ।
ट्याक्टर चालक रंगेली-८ का ३० वर्षीय जीवन ताजपुरियालाई इलाका प्रहरी कार्यालय रंगेलीले नियन्त्रणमा लिएर आवश्यक अनुसन्धान गरिरहेको छ ।
