रबिन कटेल 
धनकुटा । जिल्ला प्रशासन कार्यालय संखुवासभाले आज राती ८ बजेदेखि आठ घण्टासम्म घरबाहिर ननिस्कन जिल्लाबासीलाई निर्देशन दिएको छ ।
Advertisement
स्थानीय तह निर्वाचन जिल्ला आचारसंहिता अनुगमन समितिको आज बसेको बैठकले राती ८ बजेदेखि भोलि बिहान ४ बजेसम्म घरबाहिर ननिस्कन सर्वसाधरणलाई आग्रह गर्ने निर्णय गरेको हो ।
भोलि हुँने स्थानीय तह निर्वाचनको सुरक्षालाई मध्यनजर गर्दै सार्वसाधरणहरुलाई घरभित्रै रहन आग्रह गरिएको प्रशासनले जनाएको छ । घरबाहिर निस्कनु परेमा सुरक्षा निकायलाई पूर्व जानकारी गराउँन पनि प्रशासनले आग्रह गरेको छ ।
८ बजेपछि घर बाहिर निस्कनेहरुलाई कडाईका साथ सुरक्षा जाच गरिने प्रशासनले जनाएको छ ।
