धनकुटा । धनकुटाको महालक्ष्मी नगरपालिकाले महिलाहरुका लागि डल कुशन बनाउँने तालिम आयोजना गरेको छ । महिलाहरुलाई सिप प्रदान गरी आत्मानिर्भर बनाउँने उद्धेश्यले एक महिने तालिम आयोजना गरिएको हो ।
Advertisement
महालक्ष्मी नगरपालिकाका मेयर पर्शुराम नेपालले डल कुशन बनाउँने कपडा काटेर तालिम उद्घाटन गरेका छन् । तालिम उद्घाटन गर्दै मेयर नेपालले महिलाहरुलाई सिप प्रदान गर्न तालिम आयोजना गरिएको भन्दै सिप सिकेर आत्मानिर्भर बन्न महिलाहरुलाई सुझाव दिए । डल कुशन घरमै बनाउँन सकिने भएकाले सिकेको सिपलाई व्यवहारमा उतारेर आत्मानिर्भर बन्न महिलाहरुलाई मेयर नेपालले आग्रह गरे ।
महालक्ष्मी नगरपालिका वडा नं. ७ र ८ का २० जना महिलाहरु तालिममा सहभागि छन् । जितपुर र निगाले गरी दुई स्थानमा १०÷१० जना महिलाहरुलाई सहभागि गराएर तालिम सञ्चालन भइरहेको महालक्ष्मी नगरपालिकाका सहायक महिला विकास निरीक्षक गिता लुइटेलले जानकारी दिइन् ।
