संखुवासभा । संखुवासभामा स्वास्थ्य चौकीको सामान सार्ने क्रममा भीरबाट लड्दा एक जनाको मृत्यु भएको छ । मृत्यु हुँनेमा सिलिचोङ गाउँपालिका–१ केवाडाँडाका २१ बर्षीय दिनेश राई छन् ।
Advertisement
सोही स्थानमा निर्मित स्वास्थ्य चौकीको सामान सार्ने क्रममा शनिवार दिउँसो उनी भीरबाट लडेका थिए । साँघुरो बाटोमा काठको टेवल बोकेर जाँदै गर्दा उनी सडकबाट करिव २०० मिटर तल खसेका हुन् । सडकबाट सिसुवा खोलाको दहमा खस्दा उनको मृत्यु भएको प्रहरीले जनाएको छ ।
घटनाको जानकारी पाएपछि प्रहरी चौकी सिसुवाटार र जिल्ला प्रहरी कार्यालय संखुवासभाबाट टोली घटनास्थल गएर थप अनुसन्धान गरिरहेको जनाइएको छ ।
