धनकुटा । छिमेकी मूलुकमा कोरोनाको संक्रमण पुनः फैलन थालेपछि धनकुटामा पनि सतर्कता अपनाउँदै भीडभाडजन्य गतिबिधिमा कडाई गर्न थालिएको छ । जिल्ला प्रशासन कार्यालय धनकुटाले आज सूचना जारी गर्दै कोरोना पुनः फैलने संभावना देखिएकाले सतर्कता अपनाउँन आग्रह गरेको हो ।
प्रशासनले रात्रीकालिन व्यवसायमा भीडभाड नगर्न र अबेरसम्म व्यवसाय नखोल्न आग्रह गरेको छ । त्यस्तै, आउँन लागेको होली पर्वमा भिडभाड, जमघट नगर्न पनि प्रशासनले सचेत गराएको छ । प्रशासनद्वारा जारी सूचनामा पहिले सञ्चालनमा रहेका क्वारेन्टाइन, आइसोलेशन केन्द्रहरुलाई तयारी अवस्थामा राख्न र कोरोनाविरुद्ध विद्युतीय माध्यमबाट सचेतनामूलक सन्देश प्रशारण गर्न पनि स्थानीय पालिकाहरुलाई आग्रह गरिएको छ ।
Advertisement
यता, मास्क, सेनिटाइजर, सामाजिक दुरी पालन भए÷नभएको अनुगमन गर्न पनि स्वास्थ्य कार्यालय, पालिकाहरु र सुरक्षा निकायलाई प्रशासनले आग्रह गरेको छ । खुल्ला सीमा रहेको छिमेकी मूलुक भारतमा पछिल्लो समय कोरोनाको संक्रमण पुनः फैलन थालेपछि नेपालमा पनि सतर्कता अपनाउँन थालिएको हो । स्वास्थ्य मन्त्रालयले पनि यसअघि सूचना जारी गरेर भीडभाडजन्य गतिबिधि नगर्न सर्वसाधरणलाई आग्रह गरेको थियो ।
