मोरङ । मोरङको कटहरी गाउँपालिका–३ मा टिपरको ठक्करबाट साइकलयात्रीको मृत्यु भएको छ । घटनापछि आक्रोशित स्थानीयबासीले टिपर तोडफोड गरेका छन् ।
ठक्करबाट कटहरी गाउँपालिका–२ का ३६ बर्षीय बच्चु डुमको मृत्यु भएको हो । आइतवार बेलुका साँढे ५ बजे पूर्वबाट पश्चिमतर्फ जाँदै गरेको को १ ख ४७८३ नम्बरको टिपरले साइकलमा यात्रा गरिरहेका डुमलाई ठक्कर दिएको थियो । उपचारका लागि बिराटनगरस्थित कोशी अस्पताल ल्याइएका उनको उपचारकै क्रममा मृत्यु भएको जिल्ला प्रहरी कार्यालय मोरङले जनाएको छ ।
Advertisement
तीव्र गतिमा हुइकिएको टिपरले दुर्घटना गराएको भन्दै आक्रोशित स्थानीयबासीले घटनापछि टिपर तोडफोड गरेका हुन् । आक्रोशित उनीहरुले टिपरमा ढुङ्गामुडा गरेका थिए । ढुंगा प्रहारबाट टिपरको अगाडिको भागमा क्षति पुगेको छ । घटनापछि टिपर र चालकलाई प्रहरीले नियन्त्रणमा लिएको छ ।
