इलाम । इलामको देउमाई नगरपालिका–८ आमबोटेमा मंगलवार बिहान एक व्यक्तिले श्रीमतीको हत्या गरेका छन् । बिहान करिब साढे ५ बजे घरायसी विवादका क्रममा आमबोटेका ३३ बर्षीय सुवास राईले खुकुरी प्रहार गरी २७ बर्षीया श्रीमती नम्रताको हत्या गरेको प्रहरीले जनाएको छ ।
प्रहरीका अनुसार सुवासले नम्रताको घाँटीमा खुकुरी प्रहार गरेका छन् । खुकुरी प्रहारवाट नम्रताको घटनास्थलमै मृत्यु भएको हो । घटनाको जानकारी पाएपछि जितपुर प्रहरी चौकीवाट प्रहरी टोली घटनास्थल गएको छ ।
Advertisement
जिल्ला प्रहरी कार्यालयवाट पनि अनुसन्धान अधिकृतको टोली घटनास्थल गएर अनुसन्धान गर्दैछ । हत्या आरोपमा सुवासलाई पक्राउ गरिएको जिल्ला प्रहरी कार्यालय इलामले जनाएको छ ।
