सुनसरीमा जंगली हात्तीको आक्रमणबाट एक जनाको मृत्यु

सुनसरी । सुनसरीको कोशी गाँउपालिका–६ सुकुम्बासी टोलमा जंगली हात्तीको आक्रमणबाट एक जनाको मृत्यु भएको छ । आज बिहान साँढे ५ बजे जंगली हात्तीले आक्रमण गर्दा स्थानीय ३२ बर्षीय प्रमोद यादवको मृत्यु भएको हो ।

Advertisement

गँहुबारीमा पानी लगाउन जाने क्रममा यादवलाई जंगली हात्तीले आक्रमण गरेको थियो । हात्तीको आक्रमणबाट यादवको घटनास्थलमै मृत्यु भएको जिल्ला प्रहरी कार्यालय सुनसरीले जनाएको छ ।