झापा । झापामा ७० वर्षीया बृद्धाको बलात्कारपछि हत्या गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा भद्रपुर नगरपालिका–४ रंगेडाँडाका ३५ वर्षीय विशाल बिर्जा छन् ।
बुधबार राती अर्जुनधारा गाउँपालिका–११ की बृद्धाको बलात्कारपछि हत्या भएको प्रहरीले जनाएको छ । बिर्जाले बिहीबार बिहान सेनाको ब्यारेक अगाडि राजमार्गमा रहेको कल्भर्टमा महिलाको शव भेटिएको भन्दै चारआली प्रहरी चौकीमा खबर गरेका थिए ।
Advertisement
त्यसपछि बिर्जामाथि नै शंका लागेर नियन्त्रणमा लिई सोधपुछ गर्दा उनले आफूले नै बलात्कारपछि मुख थुनेर बृद्धाको हत्या गरेको भनी स्वीकारेको इलाका प्रहरी कार्यालय धुलाबारीले जनाएको छ ।
प्रहरीका अनुसार बिर्जा सडकमा मागेर गुजारा चलाउँदै आएका थिए । बृद्धा आइतबारदेखि बेपत्ता थिइन् । उनको मानसिक स्वास्थ्यमा समस्या रहेको बताईएको छ ।
