धनकुटा । धनकुटाको साँगुरीगढी गाउँपालिका–७ गोलखाडीमा डाईस खेलाउँदै गरेको अवस्थामा प्रहरीले चार जनालाई पक्राउ गरेको छ । गोलखाडीस्थित सडकमा पैसाको खाल थालेर डाईस खेलाईरहेको अवस्थामा गएराती प्रहरीले एक महिला र तीन पुरुषलाई पक्राउ गरेको हो ।
पक्राउ पर्नेमा साँगुरीगढी–७ का प्रतिभा राई, साँगुरीगढी–९ का सुजन राई तथा धरानका प्रदिप राई र मिनकुमार राई छन् । पैसाको खाल राखेर जुवा जन्य खेल डाइस खेलाईरहेको अवस्थामा उनीहरुलाई पक्राउ गरिएको धनकुटाका प्रहरी प्रमुख गोबिन्द अधिकारीले संगालोखबरलाई जानकारी दिए ।
Advertisement
डाईसको खालबाट १ लाख ६० हजार नगद र ६ थान डाईस (लङ्गुरबुर्जा) बरामद भएको प्रहरीले जनाएको छ । पक्राउ परेकाहरुबिरुद्ध जुवा ऐन अन्तर्गत मुद्दा दायर गरेर कारबाही प्रकृया अघि बढाईएको प्रहरी प्रमुख अधिकारीले बताए ।
प्रहरीले धनकुटा बजारमा तास खेलिरहेको अवस्थामा केही दिन अघि पाँच जना र केही साता अघि १० जनालाई पक्राउ गरेको थियो ।
