पाँचथर । पाँचथरमा बालिका बलात्कारका अभियुक्तलाई प्रहरीले ६ बर्षपछि पक्राउ गरेको छ । १४ वर्षीया बालिकालाई बलात्कार गरी फरार रहेका मिक्लाजुङ गाउँपालिका–२ का २५ वर्षीय उत्तम शेर्मालाई प्रहरीले बिहीबार पक्राउ गरेको हो ।
जिल्ला प्रहरी कार्यालयका अनुसार शेर्मा २०७१ असोज २१ गतेदेखि फरार थिए । उनलाई जिल्ला अदालतले तीन वर्ष कैद सजायको फैसला गरेको छ । गाउँमै लुकीछिपी बसेको अवस्थामा शेर्मालाई पक्राउ गरिएको प्रहरीले जनाएको छ ।
Advertisement
उनलाई जिल्ला अदालतको अनुसार कैद भुक्तानीका लागि जिल्ला कारागार चलान गरिएको प्रहरी निरीक्षक डम्बर विश्वकर्माले जानकारी दिए ।
