- संगालोखबर सम्वाददाता
सांकेतिक तस्वीर

झापा । झापाको दमक नगरपालिका–१ की टिकामायाँ भण्डारी पौडेलको आईतबार साँझ हत्या भएको छ । हत्या आरोपमा प्रहरीले उनका श्रीमान ४७ बर्षीय चुडामणी भण्डारीलाई पक्राउ गरेको छ ।

धान भित्र्याउँन कमल गाउँपालिका–६ स्थित खेतमा गएका बेला आईतबार साँझ करिब ५ बजे चुडामणीले खुकुरी प्रहार गर्दा ३७ बर्षीया टिकामायाँको मृत्यु भएको प्रहरीले जनाएको छ । चुडामणीले श्रीमतीसँगै अर्का युवा प्रकाशचन्द्र दाहालमाथि पनि खुकुरी प्रहार गरेका छन् । खुकुरी प्रहारबाट टिकामायाँको घटनास्थलमै मृत्यु भएको छ भने दाहाल गंभीर घाईते भएका छन् । घाईते दाहालको बिएण्सी अस्पतालमा उपचार भईरहेको छ ।

खुकुरी प्रहार गर्ने चुडामणीलाई घटनापछि प्रहरीले नियन्त्रणमा लिएको छ । श्रीमान–श्रीमतीबीचको बेमेलका कारण घटना भएको प्रारम्भिक अनुसन्धानबाट देखिएको इलाका प्रहरी कार्यालय दमकका प्रमुख बिजयराज पण्डितले संगालोखबरलाई बताए । ‘पारिवारिक बेमेलका कारण घटना भएको देखिन्छ ।’ प्रहरी प्रमुख पण्डितले भने–‘खुकुरी प्रहार गर्ने व्यक्तिलाई नियन्त्रणमा लिएर घटनाको बिषयमा थप अनुसन्धान गर्दैछौ ।’

Please Subscribe to Sangalo Khabar Youtube Channel.
Advertisement

तपाईको प्रतिक्रिया

error: Content is protected !!