धनकुटा । धनकुटा नगरपालिका–९ मुलघाट नजिक बुधबार बिहान ट्रक दुर्घटना हुँदा चालकसहित दुई जना गंभीर घाईते भएका छन् । धरानबाट तेह्रथुम जाँदै गरेको ना.३ ख.५६९१ नम्बरको ट्रक बिहान करिब ४ बजे कोशी राजमार्गस्थित सडकबाट पल्टिँएको हो ।
Advertisement
दुर्घटनामा परी ट्रक चालक सुनसरीको धरान उपमहानगरपालिका–६ पानमाराका ४० बर्षीय मरिचमान श्रेष्ठ र सह–चालक २५ बर्षीय नविन राई घाईते भएको धनकुटाका प्रहरी प्रवक्ता डिएसपी ध्रुबकुमार श्रेष्ठले जानकारी दिए । उनका अनुसार दुबै घाईतेको अवस्था गंभीर छ ।
उनीहरुलाई उपचारका लागि धरानस्थित बिपी कोईराला स्वास्थ्य बिज्ञान प्रतिष्ठान पठाईएको थियो । प्रतिष्ठानमा उपचार हुँन नसकेपछि उनीहरुलाई बिराटनगरस्थित नोबेल शिक्षण अस्पताल लगिएको छ ।
भुस र चोकर लिएर आउँदै गरेको ट्रक अनियन्त्रित भएर सडकबाट करिब १५ मिटर तल खसेको धनकुटाका ट्राफिक प्रहरी दिपक खड्काले जानकारी दिए ।
