उदयपुर । उदयपुरको त्रियुगा नगरपालिका–१० मा स्कूटर दुर्घटना हुँदा एक युवतीको मृत्यु भएको छ । मृत्यु हुँनेमा उदयपुरको राजाबासकी १९ वर्षीय युनिका बुढाथोकी छन् ।
Advertisement
आफ्नै भाई युनिकले चलाएको को.३९ प.९०७० नम्बरको स्कूटर सोमबार साँझ करिब ७ बजे दुर्घटना हुँदा टाउकोमा चोट लागेर युनिका गंभीर घाईते भएकी थिईन् ।
उपचारका लागि बिराटनगरस्थित न्यूरो अस्पताल पुर्याईएकी उनको राती करिब १२ बजे मृत्यु भएको प्रहरीले जनाएको छ । स्कूटर कुदाउँने युनिक पनि घाईते छन् । न्यूरो अस्पतालमै उनको उपचार भईरहेको छ ।
स्कूटर कुदिरहेको बेला अगाडी आएको कुकुरलाई जोगाउँने क्रममा दुर्घटना भएको बताईएको छ । सवारी साधन चलाउँन लाईसेन्स अनिवार्य चाहिन्छ । तर, नागरिकता बनाउँने उमेर नै नपुगेका भाईले चलाएको स्कूटर दुर्घटना परी तिहारको मुखको आफ्नै दिदीको मृत्यु भएको हो ।
