विराटनगर । कोरोना संक्रमणका कारण एक साताभित्र मोरङको केराबारीका एकै घरका दुई दाजुभाईको मृत्यु भएको छ । मृत्यु हुँनेमा केराबारी–३ का ५९ वर्षीय राजकुमार र ५७ वर्षीय देवकुमार नेपाल छन् । छ दिनको अन्तरमा दाजुभाईको मृत्यु भएको हो ।
Advertisement
दशैंको फूलपातीको दिन कोरोना पुष्टि भएका दाजु राजकुमारको आइतबार विराटनगरस्थित विराट मेडिकल कलेजमा उपचारका क्रममा मृत्यु भएको हो । उनका भाई देवकुमारको कात्तिक १८ गते धरानस्थित बीपी कोइराला स्वास्थ्य विज्ञान प्रतिष्ठानमा मृत्यु भएको थियो । उनी स्थानीय मछिन्द्र माविका शिक्षकसमेत थिए ।
देवकुमारको काजक्रिया नसकिंदै उनका दाजु राजकुमारको पनि मृत्यु भएपछि परिवार थप शोकमा डुबेको छ ।
