सुनसरी । कोरोना संक्रमण पुष्टि भएकी इटहरी उपमहानगरपालिका–६ की ९ बर्षीया बालिकाको बुधबार मृत्यु भएको छ । धरानस्थित बीपी कोइराला स्वास्थ्य बिज्ञान प्रतिष्ठानमा उपचारका क्रममा बिहान करिब साँढे ३ बजे बालिकाको मृत्यु भएको हो ।
पीसीआर परीक्षण गर्दा उनमा सोमबार कोरोना संक्रमण पुष्टि भएको थियो । संक्रमण देखिएपछि मंगलबार प्रतिष्ठानको कोभिड अस्पताल भर्ना गरिएकी उनको संक्रमण पुष्टि भएको दुई दिन भित्रै मृत्यु भएको प्रतिष्ठानका प्रवक्ता डा.आशिष श्रेष्ठले जानकारी दिए ।
Advertisement
प्रतिष्ठानमा उपचारका क्रममा आज बिहान धरान–१ की ६१ बर्षीया महिलाको पनि मृत्यु भएको छ । योसँगै प्रतिष्ठानमा मृत्यु हुँने कोरोना संक्रमितको संख्या ८५ पुगेको छ ।
