विराटनगर । बिगत २४ घण्टाको अवधिमा बिराटनगरका तीन अस्पतालमा उपचारका क्रममा पाँच कोरोना संक्रमितको मृत्यु भएको छ । न्युरो अस्पताल र विराट नर्सिङ होममा दुई/दुई तथा कोसी अस्पताल कोभिड–१९ उपचार केन्द्रमा एक कोरोना संक्रमितको मृत्यु भएको हो ।
Advertisement
न्यूरो अस्पतालमा विराटनगर–७ की ४५ वर्षीया महिला र विराटनगर ३ का ६५ वर्षीय पुरुष, विराट नर्सिङ होममा सुनसरीको धरान–१२ की ७५ वर्षीया महिला र सप्तरीको मौली–५ का ६० वर्षीय पुरुष र कोसीमा झापा सुरुङ्गा–३ का पुरुषको मृत्यु भएको हो । मृत्यु भएकाहरुमा कोरोनासँगै अन्य स्वास्थ्य समस्यासमेत थिए ।
योसँगै प्रदेश १ मा मृत्यु हुँने कोरोना संक्रमितको संख्या १८० पुगेको सामाजिक बिकास मन्त्रालयले जनाएको छ ।
