बिराटनगर । प्रदेश १ का आन्तरिक मामिला तथा कानून मन्त्री हिक्मत कुमार कार्कीलाई कोरोना संक्रमण भएको छ । पीसीआर परीक्षण गर्दा शुक्रबार मन्त्री कार्कीको रिपोर्ट पोजिटिभ आएको हो । कन्ट्राक्ट ट्रेसिङका आधारमा असोज २९ गते पीसीआर परीक्षण गर्दा मन्त्री कार्कीको रिपोर्ट नेगेटिभ आएको थियो ।
Advertisement
तर, त्यसपछि सामान्य रुघाखोकीसहितका लक्षण देखिएपछि मन्त्री कार्कीले पुनः पीसीआर परीक्षणका लागि बिहिबार स्वाब दिएका थिए । परीक्षणमा उनको रिपोर्ट पोजिटिभ आएको हो । अहिले स्वास्थ्य अवस्था सामान्य रहेको मन्त्री कार्कीले जानकारी दिएका छन् ।
यसैबीच मन्त्री कार्कीले आफु संक्रमित भएको सामाजिक सञ्जालमार्फत सार्वजनिक गरेका छन् । उनले केही दिन यता आफ्नो निकट सम्पर्कमा पुगेकाहरुलाई सावधानी अपनाउँन आग्रह पनि गरेका छन् ।
