तेह्रथुम । तेह्रथुममा करेन्ट लागेर एक जनाको मृत्यु भएको छ । करेन्ट लागेर आठराई–५ होडाका २६ बर्षीय राजन बराईलीको मृत्यु भएको हो ।
बिहिबार बेलुका करिव ५ बजे आफ्नै घर अगाडि रहेको बिजुलीको ट्रान्स मिटरबाट कालो तार जोड्ने क्रममा बराईलीलाई करेन्ट लागेर भुईमा खस्दा उनी वेहोस भएका थिए । वेहोस भएका बराईलीलाई उपचारका लागि लैजाने क्रममा बाटोमै उनको मृत्यु भएको जिल्ला प्रहरी कार्यालय तेह्रथुमले जनाएको छ ।
उनी सिरहा शेर गणमा कार्यरत नेपाली सेनाका जवान हुन् ।