सुनसरी । इलाका प्रहरी कार्यालय इटहरीले ३८ थान हराएका मोवाइल फेला पारेको छ । मोवाइल फेला परेर प्रहरीले सोमबार सम्बन्धित धनीहरुलाई हस्तान्तरण गरेको हो ।
Advertisement
मोवाइल हराएपछि मोवाइल धनीहरुले प्रहरीमा उजुरी गरेका थिए । सोही आधारमा खोजतलास गरी प्रहरीले गत महिनादेखि हालसम्म करिव १८ लाख ५५ हजार ८ सय मूल्य बराबरका ३८ थान मोवाइल सेट फेला परेर सम्बन्धित धनीलाई बुझाएको हो ।
ईलाका प्रहरी कार्यालय ईटहरीमा सीडीआर शाखा स्थापना भएदेखि हालसम्म बिभिन्न ब्राण्डका ३ सय ३४ थान मोवाइल फेला पारेर सम्बन्धीत धनीलाई बुझाइएको ईलाका प्रहरी कार्यालय इटहरीले जनाएको छ ।
