सुनसरी । सुनसरीको धरानबाट लागुऔषधसहित एक जना पक्राउ परेका छन् । धरान–१५ बिशालचोकका ३८ बर्षीय विजय कुमार रोक्कालाई खैरोहिरोईन ब्राउनसुगरसहित प्रहरीले पक्राउ गरेको हो ।
को. १० प ६२५९ नम्बरको मोटरसाईकलमा आईरहेका रोक्कालाई विशेष सुराकीका आधारमा ईलाका प्रहरी कार्यालय धरानबाट खटिएको प्रहरी टोलीले साम्पाङ चोकबाट नियन्त्रणमा लिएको थियो ।
Advertisement
नियन्त्रणपश्चात चेक जाँचका क्रममा उनको शरिरमा लुकाएर राखेको अवस्थामा १२ ग्राम ५०० मिलिग्राम खैरोहिरोईन ब्राउनसुगर र नगद १० हजार ९ सय ६० रुपैयाँ बरामद गरिएको जिल्ला प्रहरी कार्यालय सुनसरीले जनाएको छ ।
