सुनसरी । धरानमा मंगलबार बिहान मिनी ट्याक्टरको ठक्करबाट स्कुटरमा सवार एक जनाको मृत्यु भएको छ । मृत्यु हुँनेमा धरान–१४ का २५ बर्षीय गोकुल तामाङ छन् ।
Advertisement
विहान सवा १० बजे धरानको त्रिवेणी मार्गस्थित भित्रि सडकखण्डमा को.१ त.८८०१ नम्बरको मिनी ट्याक्टरले तामाङ सवार को.३० प.१२९६ नम्बरको स्कुटरलाई ठक्कर दिएको थियो । ठक्करबाट स्कुटरको पछाडी सवार तामाङ गंभीर र स्कुटर चालक सुस्मन मैनाली सामान्य घाईते भएका थिए ।
घाईतेलाई उपचारका लागि धरानस्थित बीपी कोईराला स्वास्थ्य बिज्ञान प्रतिष्ठान लगिएको थियो । उपचारका क्रममा पौने ११ बजे तामाङको मृत्यु भएको ईलाका प्रहरी कार्यालय धरानले जनाएको छ । घटनापछि मिनी ट्याक्टर र चालक तुलसी बि.क.लाई प्रहरीले नियन्त्रणमा लिएको छ ।
