झापा । झापामा लागुऔषधसहित प्रहरीले एक महिलालाई पक्राउ गरेको छ । दमक–९ दिपज्योती उराउ टोलकी ३० बर्षीया रुपा चौधरी भण्डारीलाई लागुऔषधसहित प्रहरीले पक्राउ गरेको हो ।
Advertisement
सोमबार विहान साढे ११ बजे ईलाका प्रहरी कार्यालय दमकबाट खटिएको प्रहरी टोलीले उनलाई पक्राउ गरेको हो । उनले आफ्नै घरबाट ब्राउनसुगरको किनबेच गर्ने गरेको विशेष सुराकीका आधारमा प्रहरीले उनको घरमा खानतलासी गरेको थियो ।
खानतलासी गर्ने क्रममा पलङमुनि ५ वटा प्लाष्टिकको पोका बनाएर लुकाई राखेको अवस्थामा ३५ ग्राम खैरोहिरोईन ब्राउनसुगर फेला पारिएको प्रहरीले जनाएको छ । साथै ७४ हजार ६ सय १५ रुपैयाँ नगदसमेत बरामद गरिएको हो ।
लागुऔषधसहित पक्राउ परेकी रुपाविरुद्ध ईलाका प्रहरी कार्यालय दमकले कारबाही प्रकृया अघि बढाईएको छ ।
