बिराटनगरमा जुटमिलको पर्खाल भत्किएर किच्दा महिलाको मृत्यु

बिराटनगर । बिराटनगर महानगरपालिका–१५ रानी एरियामा आज जुटमिलको पर्खाल भत्किएर किच्दा एक महिलाको मृत्यु भएको छ । बिहान करिब साँढे ८ बजे बिराट जुटमिलको पर्खाल भत्किएर किच्दा स्थानीय ५५ बर्षीया समिरु नेसाको मृत्यु भएको हो ।

कलमा पानी लिन जाँदै गर्दा उनलाई पर्खाल भत्किएर किचेको हो । किचिएर गंभीर घाईते भएकी उनलाई उपचारका लागि बिराटनगरस्थित न्युरो अस्पताल लगिएको थियो ।

Advertisement

उपचारकै क्रममा दिउँसो साढे १२ बजे उनको मृत्यु भएको जिल्ला प्रहरी कार्यालय मोरङले जनाएको छ ।