विराटनगर । प्रदेश १ का सामाजिक विकास मन्त्री जीवन घिमिरे कोरोनामुक्त भएका छन् । प्रदेश जनस्वास्थ्य प्रयोगशाला विराटनगरमा पीसीआर परीक्षण गर्दा मन्त्री घिमिरेको रिपोर्ट नेगेटिभ आएको हो ।
कोरोना संक्रमण पुष्टि भएको १८ दिनपछि घिमिरे संक्रमणमुक्त भएका हुन् ।
मन्त्री घिमिरेलाई गत भदौ १५ गते कोरोना संक्रमण पुष्टि भएको थियो । भदौ १३ गतेदेखि कोरोनाको लक्षण देखिएपछि घिमिरे होम आईसोलेसनमा बसेका थिए । यसअघि भदौ २६ गते गरिएको पीसीआरको दोस्रो परीक्षणमा उनको रिपोर्ट पोजिटिभ आएको थियो ।
मन्त्री घिमिरेलाई सामान्य रुघाखोकी बाहेक अन्य स्वास्थ्य अवस्था सामान्य रहेको उनको सचिवालयले जनाएको छ ।