बेलबारीका ३२ संक्रमित मध्ये २० जनाले जिते कोरोना

बेलबारी । मोरङको बेलबारी नगरपालिकामा कोरोना संक्रमण पुष्टि भएका मध्ये २० जना निको भएका छन् । हालसम्म बेलबारीका ३२ जनामा संक्रमण पुष्टि भएको छ ।

जसमध्ये २० जना निको भएको बेलबारी नगरपालिका स्वास्थ्य शाखाका कर्मचारी सन्तोष विश्वकर्माले जानकारी दिए । बेलबारीका एक जना संक्रमितको मृत्यु भएको छ । बाँकी ११ जनाको उपचार भइरहेको छ ।

यसैबीच आइतवार बेलबारी नगरपालिकाका २३ जनाको स्वाब संकलन गरिएको छ ।

आइसोलेसनमा बसेका ७ जना, होलडिङ एरियामा रहेका १२ जना तथा कन्ट्रयाक टेसिङका आधारमा ४ जनाको स्वाब संकलन गरी पीसीआर परिक्षणका लागि पठाईएको बेलबारी नगरपालिकाले जनाएको छ ।