भोजपुर । भोजपुरको टेम्केमैयुङ गाउँपालिकामा भाउजुको हत्या आरोपमा देवर पक्राउ परेका छन् । भाउजुलाई कुटपिट गरी हत्या गरेको आरोपमा टेम्केमैयुङ–५ खावाका ३५ वर्षीय राजकुमार राईलाई प्रहरीले पक्राउ गरेको हो ।
राईले ४८ वर्षीया भाउजु केशरमाया राईलाई मरणासन्न हुनेगरी कुटपिट गरेर हत्या गरेको आरोप छ । घटना भदौ २२ गते रातीको हो । प्रहरीका अनुसार घरायसी विवादमा राजकुमारले केशरमायालाई कुटपिट गरेर डिलबाट हुत्याई आफु घर आएका थिए ।
बिहान घर छेउमा रहेको सुँगुरको खोरमा केशरमाया मृत भेटिएको जिल्ला प्रहरी कार्यालय भोजपुरले जनाएको छ । मृतकको शवलाई पोष्टमार्टमका लागि जिल्ला अस्पताल ल्याईएको छ ।